Gjykata e Tiranës ka dënuar me burg përjetë këtë të martë Përparim Ademin, i cili më 31 Dhjetor të 2020 vrau dy motrat Zhaneta Metani dhe Kristina Bardhi në Tiranë. Ademi është dënuar për akuzën vrasje për shkak të marrëdhënieve familjare.
Ai kishte lidhje intime me të dyja motrat. Hetimet e Prokurorisë treguan se shkak i ngjarjes ishte pikërisht xhelozia dhe kërkesa e tyre për të shkëputur marrëdhëniet me të.
Ngjarja e rëndë ndodhi në zonën e Astirit në banesën e motrave Zhaneta Metani dhe Kristina Bardhi. Natën e Krishtlindjeve ato ia kishin bërë të qartë Ademit se nuk donin të kishin më lidhje me të. Ky fakt duket se nuk është pranuar nga 59-vjeçari, i cili kishte filluar që të kishte hije dyshimi se Zhaneta e tradhëtonte. Ai është rikthyer pas pak ditësh në banesën e tyre dhe i ka vrarë me breshëri kallashnikovi.
