Rajoni

Vrau djalin e tij, gjykata merr vendimin për Skënder Krasniqin


Bëhu pjesë e Grupit Zyrtar të Opinion.al
>> KËTU <<
               Publikuar në : 11:54 - 29/01/21 |
Semiljana Azizi

Gjykata Themelore në Prishtinë ka vendosur të lërë në ambientet e paraburgimit për një kohë prej 1 muaji, Skënder Krasniqin, i cili qëlloi për vdekje vetëm dy ditë më parë djalin e tij, Albert Krasniqi.

Trupa gjykuese ka pranuar kërkesën e prokurorisë për Skënder Krasniqin, i cili akuzohet për veprën penale të vrasjes.

Kujtojmë se ngjarja ka ndodhur në parkingun e ndërtesës ku ata banonin. Në rrethana ende të panjohura Skënder Krasniqi qëlloi djalin e tij, i cili ndërroi jetë menjëherë në vendin e ngjarjes.

Sipas mediave kosovare Albert Krasniqi dhe babai i tij njihen si biznesmenë të suksesshëm në Kosovë. Ndërkaq Alberti ishte edhe personazh i njohur i shoëbizz-it shqiptar për shkak të lidhjeve të tij me figurat publike.

Njoftimi i plotë:

Prishtinë, 29 janar 2021 – Gjykata Themelore në Prishtinë ka aprovuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit S.K. për shkak të dyshimit të bazuar se ka kryer veprat penale Vrasje e rëndë nga neni 173 paragrafi 1 pika 1.3 dhe Mbajtja në pronësi, kontroll ose posedim të pa autorizuar të armëve nga neni 366 paragrafi 1 të Kodit Penal të Republikës së Kosovës.

Të pandehurit S.K. gjykata i ka caktuar masën e paraburgimit në kohëzgjatje prej 1 (një) muaji, pasi që e njëjta ka konstatuar se janë përmbushur kriteret në bazë të nenit 187 paragrafi 1 nën paragrafi 1.1 dhe 1.2 pika 1.2.2 dhe 1.2.3 të KPPRK-së.

Gjyqtari i procedurës paraprake ka vlerësuar se masa e paraburgimit është masë adekuate për zhvillimin e papenguar në këtë çështje penale, pasi që ekzistojnë rrethanat që tregojnë rrezikun se po të gjendet i pandehuri S.K. mund ti asgjësojë, fsheh, ndryshoj apo falsifikoj provat e veprës penale duke ndikuar në dëshmitarët, të cilët janë familjarë të të pandehurit,po ashtu duke marrë parasysh mënyrën dhe rrethanat në të cilat dyshohet se është kryer vepra penale, tregon rrezik se nëse i pandehuri do të gjendet në liri ekziston rreziku se do të pengohet rrjedha e procedurës penale.

I pandehuri S.K. dyshohet se me datë 27.01.2021 rreth orës17.00, në parkingun e ndërtesës ku edhe ka banuar, nga motive ende të panjohura deri më tani ka privuar nga jeta djalin e tij, tani të ndjerin A.K. dhe si pasojë e plagëve të marra i ndjeri A.K ka ndërruar jetë në vendin e ngjarjes.

Palët kanë të drejtë ankese kundër këtij vendimi në Gjykatën e Apelit të Kosovës.

Pas