Roland Milo, autori i vrasjes së mikut të tij Sokol Rama, doli sot para Gjykatës së Gjirokastrës, ku u njoh me masën e sigurisë.
Gjykatësja Mirela Iljopulli, vendosi masën e arrestit burg pa afat për Milon, ndërkohë që vendosi ta transferojë në burgun e Fierit, kjo me qëllim shmangien e një hakmarrje të mundshme nga ana e familjarëve të viktimës.
Milo, pranoi pa hezitim në gjykatë vrasjen e Sokol Ramës, ngjarje e zbuluar në zonën e Limarit në Këlcyrë.
Rama dhe Milo ishin shpallur të zhdukur prej dy javësh nga familjarët e tyre.
Trupi i Ramës u gjet i pajetë në makinën e tij në zonën e Malëshovës në Këlcyrë, i hedhur në humnerë.
Dyshimet e para u hodhën ndaj Milos, i cili u arrestua tri ditë më pas i fshehur në shtëpinë e motrës së tij në fshatin Vaqarr në Tiranë.
Kjo ngjarje ka zbuluar edhe një grup trafikantësh të lëndëve narkotike të cilët priten të arrestohen në ditët në vazhdim. Dl/ Opinion.al
