Aktualitet

Vrau ish-bashkëshorten shtatzënë me tre plumba, vetvritet Sokol Halili



Bëhu pjesë e Grupit Zyrtar të Opinion.al
>> KËTU <<
               Publikuar në : 14:23 - 02/12/22 |
Opi Nion

Ka vrarë veten 35-vjeçari Sokol Halili i cili ishte shpallur në kërkim prej mbrëmjes së të mërkurës kur vrau me tre plumba ish-bashkëshorten e tij shtatzënë.

Lajmin e bëri të ditur ministri i Brendshëm i Kosovës Xhelal Sveçela përmes një postimi në rrjetin social “Facebook”.

“Pas një pune intenzive të të gjitha njësiteve të Policisë së Kosovës është arritur që të lokalizohet vendndodhja e vrasësit Sokol Halili. Përkundër tentativës së zyrtarëve policor që të negociojnë dorëzimin, dorasi vret veten. Policia e Kosovës si dhe Inspektoriati Policor i Kosovës do të vazhdojnë hetimet për zbulimin e të gjitha rrethanave të vrasjes së gruas shtatëzënë dhe vetëvrasjes së dorasit”, shkruan Xhelal Sveçla.

Kujtojmë se 35-vjeçarja u vra para Klinikës së Gjinekologjisë në oborrin e Qendrës Klinike Universitare të Kosovës (QKUK).

Sipas autopsisë, viktima, e cila ishte në muajin e 9-të të shtatzënisë u qëllua me 3 plumba, dy në gjoks dhe një në kokë që rezultuan fatalë për të.

Viktima ishte e pajisur me urdhër mbrojtje ndaj ish-bashkëshortit, për shkak të dhunës së ushtruar nga ai, ndërsa familjarët e të ndjerës kanë treguar se 35-vjeçarja ddhe autori ishin ndarë 5 muaj më parë./Opinion.al

Pas