Trupi i pajetë i një të riu është gjendur ditën e sotme në qytetin e Fierit .
Viktima është autori i cili vrau gruan e tij dje në lagjen “Sheq i madh” në Fier, Demokrat Medinaj.
Trupi i Medinajt është gjendur në fushën e mbeturinave, teksa sipas njoftimit të policisë nga kqyrja paraprake e kufomës nuk janë konstatuar shenja dhune.
“Sot rreth orës 10:20, në vendin e quajtur “Vija e ngjalës”, është gjetur pa shënja jete shtetasi D. M., 29 vjeç, banues në lagjen “Sheq i madh”, Fier, i cili ishte në kërkim nga Policia pasi pasditën e djeshme ka vrarë me mjet prerës(thikë), bashkëshorten e tij.
Nga kqyrja paraprake e kufomës nuk janë konstatuar shënja dhune.
Trupi i viktimës është transportuar në morgun e spitalit për t’iu nënshtruar një ekspertize mjeko ligjore më të specializuar.
Grupi hetimor po punon për zbardhjen e plotë të rrethanave të ngjarjes.”– njofton policia./Opinion.al
