Vrau babain me thikë, 25-vjeçari në gjykatë: Nuk e di kush e ka sulmuar

Gjykata e Durrësit ka vendosur arrest me burg për 25-vjeçarin Marjan Kodhelin, i dyshuar për vrasjen e babait të tij, Pjetër Kodheli, 69 vjeç, pak ditë më parë në Shkallnur të Durrësit.
I riu dukej i qetë dhe i buzëqeshur teksa qëdnronte pas kafazit prej xhami në ambjentet e gjykatës.
“Nuk jam dakord për pjesën e rrezikshmërisë. Mua po më sulmonin, nuk e di kush e ka sulmuar. Mund të ketë qenë dikush tjetër që e ka sulmuar. Më vjen shumë keq që jam këtu për një situatë të tillë. Mbase bëjmë një seancë tjetër kur të jem më i qetë. Unë nuk jam njeri agresiv, jam marrë punë të ndershme në ndërtim”, tha I riu, I cili prej muajsh ishte kthyer nga Greqia.
Ndërkohë, është marrë gjithashtu edhe dëshmia e Valentinës, bashkëshortes së viktimës, e cila ka treguar se Marjani gjatë ditës ishte i mërzitur.
Sipas prokurorisë, autori i ngjarjes ka deklaruar se gjithçka ka ndodhur pasi i ati i ka kërkuar të jetë më i kujdesshëm në pritjen e njerëzve që shkonin për vizita në banesë, pas vdekjes së motrës së viktimës.
Edhe pse Avokatja kërkoi caktimin e masës së rehabilitimit në një spital psikiatrik pasi, Marjan Kodheli vuan nga probleme të shëndetit mendor, gjykata ka vendosur arrestin me burg.