Vrau babain, dëshmia e djalit në polici: Më thoshte budalla, donte të më martonte me zor

Selman Aliaj, djali që dy ditë më parë vrau babain dhe më pas trupin e hodhi në liqenin e Farkës, ka dëshmuar në polici se arsyeja që e vrau babain e tij Fejzi Aliaj, ishte se ky e fundit e tallte dhe donte ta martonte pa dëshirë. “Unë nuk doja të martohesha, ndërsa babai më tallte vazhdimisht. Me babain zihesha gjithmonë, pasi më thoshte budalla. Madje edhe dasmën vendosi ai ta bënte, pasi unë nuk doja.”,- është mësuar të ketë thënë përpara oficerëve të policisë djali vrasës.