Habib Rexha, 31-vjeçari i akuzuar si vrasësi i Arian Gosës në Kavajë më 21 Maj, është vetëdorëzuar në Policinë e Kavajës.
Mësohet se Rexha u dorëzua me vullnet të lirë dhe pas kërkesës së familjarëve.
Ai qëndroi 2 ditë në arrati pasi vrau Arian Gosën në një lokal të Kavajës pasditen e së dielës.
Rexha u filmua nga kamerat e sigurisë së bizneseve në Kavajë teksa largohej në këmbë pasi qëlloi me një plumb në kokë Arian Gosën.
Ngjarja ndodhi në një lokal në lagjen Nr.1 të Kavajës pasditen e së dielës, teksa Arian Gosa ishte duke pirë një kafe me babain e tij.
Ngjarja e rëndë, vjen më pak se dy muaj nga vrasja e Edmond Gosës, vëllait të Arian Gosës, i cili në fund të marsit, pas një sherri për motive banale, në një tjetër lagje të Kavajës, u konfrontua fizikisht me shtetasin Altin Rexha, vëllain e autorit të shpallur në kërkim për ngjarjen e kësaj të diele./Opinion.al
