Një 8-vjeçar u mor peng dhe u vra ditën e sotme nga fqinji i tij, i identifikuar Klodian Çalamani. Pasi e vrau 38-vjeçari e groposi të miturin në oborrin e banesës duke e mbuluar me blatë.
Rasti i sotëm, është një rast i përsëritur, pasi në 2006 është autor i një tjetër pengmarrjeje.
Çalamani së bashku me shokun e tij, Florian Vasiu, 25 vjeç, nga fshati Grecalli kanë marrë peng një vajzë, atëherë 16-vjeçare. Bashkë me shokun e tij, e kanë torturuar për 20 minuta, duke e kërcënuar se do i prisnin pjesë të ndryshme të trupit.
Nga hetimet e Prokurorisë së Fierit ka rezultuar se për të arritur qëllimin e tyre, Klodiani ka kërcënuar edhe motrën e tij, E. Çalamani, e cila është përdorur për të futur në kurth adoleshenten.
Aso kohe, dy të rinjtë u dënuan nga Gjykata e Fierit, me nga katër vjet burgim për veprën penale të heqjes së lirisë të kryer në bashkëpunim, bazuar në nenin 110/2 të Kodit Penal.
