Gjykata e Korçës ka dhënë masën “arrest me burg” ndaj 42-vjeçarit Zamir Topi i cili vrau para 3 ditësh me sëpatë bashkëfshatarin e tij, 50-vjeçarin, Dashnor Osmani.
Ngjarja e rëndë ka ndodhur pak metra nga vendngjarja, në afërsi të “Pazarit të Vjetër”, ku 42-vjeçari goditi disa herë më sëpatë Osmanin.
Me bluzë sportive, flokët kapur bisht dhe me sytë gjithë kohës të fokusuar në një pikë, Zamir Topi ka refuzuar t’iu përgjigjet pyetjeve të Gjykatës.
Ishte vetë dëshmia e tij që hodhi dritë mbi ngjarjen e rëndë, pasi 42-vjeçari rrëfeu arsyet që e kishin çuar në krimin e rëndë. Të dy prej kohësh ishin në një konflikt për një vend në varreza.
Dashnor Osmani kishte varrosur të atin pranë varrit të nënës së autorit, ndërkohë që të dy ishin prej 5 vitesh në këtë konflikt, duke mos arritur asnjëherë dakordësi për zhvendosjen e eshtrave të të atit të viktimës larg varrit tjetër. Ndërkohë, sipas informacioneve, rezulton se Zamir Topi është person me probleme mendore./ Opinion.al
