Noel Dishi, autori i vrasjes së 28-vjeçarit, Vilson Tafçiu (Nokaj) në Astir, është dorëzuar në polici.
Policia njofton se 29-vjeçari u vetëdorëzua si rezultat i trysnisë së ushtruar nga ana e tyre duke kryer kontrolle të pandërprera dhe si rezultat i bashkëpunimit me familjarët.
Ndërkaq, ngjarja e rëndë ka ndodhur më 20 janar si pasojë e një konflikti çasti mes viktimës dhe autorit nga Dibra, i cili njihet edhe me dy emra të tjerë inicialet e të cilave janë N.K dhe M.P. Pas konfliktit ai e ka qëlluar Tafçiun tre herë me armë zjarri duke i marrë jetën.
Sipas dëshmisë së familjarëve të viktimës mësohet se Noel Dishi dhe Vilson Tafçiu ishin miq me njëri-tjetrin, madje Dishi shkonte shpesh në shtëpinë e tyre. Gjithashtu bëhet me dije se familjarët kanë deklaruar që prej më shumë se 2 javësh mes Vilson Tafçiut dhe Noel Dishit kishte ndodhur një zënkë që ka prishur miqësinë mes tyre, por ata nuk ishin në dijeni të motivit.
Sipas burimeve Tafçiu dhe Disha, kanë qenë së bashku edhe në Francë, ku dyshohet të kenë lindur konflikte për pazare droge./Opinion.al
