Është vënë në pranga efektivi i policisë që ekzekutoi me armë 25-vjeçarin Klodjan Rasha , i cili nuk iu bind urdhrit për të ndaluar.
Ngjarja ndodhi në orët e para të mëngjesit të sotëm në rrugën “Dritan Hoxha” në Tiranë. Sipas të dhënave, efektivi e ka qëlluar me dy plumba të riun, pasi sipas tij, ai nuk i është bindur urdhërit për të ndaluar dhe më pas e ka kërcënuar.
Bëhet me dije se arrestimi i efektivit është bërë me akuzën e vrasjes në kushtet e kapërcimit të mbrojtjes së nevojshme. Deri më tani nuk është e qartë nëse Rasha ka qenë i armatosur dhe pse më herë u tha se në vendin e ngjarjes është gjetur një pistoletë që dyshohet se i përkiste viktimës.
Ndërkohë, familjarët e viktimës kanë deklaruar të bindur se 25-vjeçari nuk ka qenë i armatosur./ Opinion.al
