Te Fundit

Vrasjet në vend, kreu i Policisë Kriminale mbledh zv/drejtorët e policisë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:30 - 30/06/21 |
Opi Nion

Kreu i Policisë Kriminale, Tonin Vocaj zhvilloi këtë të mërkurë një takim me 12 zv/drejtorët e policisë në qarqe pas ngjarjeve kriminale të ndodhura në vend ditët e fundit.

Sipas Klan news mbledhja është fokusuar në një analizë të të gjitha porosive që janë lënë nga Drejtori i Përgjithshëm Ardi Veliu dhe më pas ka patur dhe një diskutim lidhur me objektivat që janë arritur në 12 qarqet.

Mësohet se takimi zgjati rreth 3 orë, ndërsa analiza u përqëndrua më së shumti në rezultatet e arritura në bazë të objektivave të vendosura në mbledhjen e fundit. Konkretisht ka patur diskutime lidhur me lokalet që frekuentohen nga personat me precedent kriminal, informacionet dhe arrestimet e bëra për personat që lëvizin me armë pa leje, për situatën e kanabisit në vend.

Gjithashtu në fokus kanë qenë dhe operacionet dhe hetimet për zbardhjen e ngjarjeve kriminale në vend.

Pikat e nxehta kanë qenë përsa i përket qytetit të Shkodrës, Vlorës, Elbasanit, po ashtu dhe qytetet e tjera, të cilat kanë qenë problematika Sa i përket situatës kriminale.

Përgjatë ditëve të fundit, janë duke u diskutuar edhe lëvizjet e mundshme nga ana e drejtorive të përgjithshme të policisë për të lëvizur dhe për të ndryshuar strukturat e policisë në disa prej qarqeve që kanë qenë më problematike për situatën e krimit. Më të përfolurat janë qyteti i Vlorës, Shkodrës, Elbasanit siç kemi raportuar edhe më herët që ka qenë problematike përsa i përket situatës së krimit.

Mbledhja u zhvillua pas paralajmërimit të  Ministrit të Brendshëm, Bledi Çuçi, i cili u shpreh 2 ditë më parë se do të ketë shkarkime në postet e larta drejtuese të Policisë së Shtetit.

Ndërkohë edhe kryeministri Edi Rama foli në konferencën e djeshme për riorganizim të Policisë së Shtetit.

Pas