Një 40-vjeçar është ekzekutuar sapo ka dalë nga shtëpia e tij, në Durrës. Sipas policisë vrasja ka ndodhur në orën 12:55, në lagjen Nr.18, të qytetit bregdetar.
Persona të paidentifikuar kanë qëlluar në drejtim të 40-vjeçarit Feriz Bardhi. Ai fillimisht është dërguar me urgjencë në spital, por nuk ka mundur të mbijetojë.
Sipas dëshmitarëve në vendngjarje, disa persona e kanë thirrur 40-vjeçarin dhe i kanë kërkuar sqarime, ndërsa e kanë qëlluar menjëherë sapo ai ka dalë nga dera e shtëpisë.
“Në vendngjarje ka shkuar grupi hetimor ku vijon punën për zbardhjen e rrethanave të ngjarjes. Policia ka ngritur pika kontrolli dhe po punon intensivisht për identifikimin dhe kapjen e autorëve të kësaj ngjarje”, njofton policia e Durrësit./ Opinion.al
