27-vjeçari i gjetur i vrarë me plumb në kokë mëngjesin e së dielës, rezulton të jetë person me precedent kriminal në fushën e krimeve ndaj personit dhe trafiqeve të paligsjhme. Gjithashtu mësohet se kishte probleme gjakmarrjeje.

Policia ka gjetur një makinë të djegur 1 km larg trupit të viktimës dhe mendohet se ky automjet është i autorëve të vrasjes.

Ngjarja

Një trup i pajetë është gjetur buzë rrugës në aksin Lezhë- Shkodër pranë fshatit Shkjezë. Viktima është gjetur nga një qytetar i cili ka njoftuar policinë, rreth orës 05:00 të mëngjesit.

Sipas informacioneve viktima është i moshës 27 vjeçare dhe ka një plagë me armë zjarri në kokë, ndërsa pranë trupit është gjetur dhe automjeti i tij, tip BMW.

Policia njofton se ai është shtetasi Gjin Ndoj (Boriçi).

Njoftimi i plotë i policisë:

Më datë 09.08.2020, rreth orës 05:55, në fshatin Shkjezë, Njësia Administrative Bushat, në rrugë, është konstatuar  i pajetë, shtetasi Gj. B.,  27 vjeç, banues në lagjen “1 Maji”, Shkodër.

Nga veprimet e para hetimore dyshohet se ka humbur jetën si pasojë e përdorimit të armës së zjarrit.

Grupi hetimor nën drejtimin e Prokurorisë vijon punën për sqarimin e rrethanave të ngjarjes.