Angjelin Shkambi i vrarë mëngjesin e së dielës në automjetin e tij pranë fshatit Grudë në Shkodër, ka qenë person me precedent penal.
Sipas burimeve zyrtare, ai ka qenë i dënuar për trafik lëndësh narkotike dhe është liruar nga burgu pak muaj më parë, në Prill të këtij viti.
Nuk dihen detaje për ngjarjen dhe autorët që ekzekutuan 32-vjeçarin dhe ende nuk dihet nëse vrasja e këtij mund të ketë në qendër larje hesapesh për narkotrafikun apo prishje pazaresh.
Policia ende nuk ka bërë me dije informacione të lidhura me shkaqet e ngjarjes, por kanë konfirmuar se 32-vjeçari është qëlluar me armë zjarri dhe pranë trupit të pajetë brenda autmojetit janë gjetur edhe tre gëzhoja pistolete.
Njeri nga plumbat e ka prekur viktimin ne koke dhe tjetri ne trup.
Njoftimi i policisë:
Me datë 17.12.2017, rreth orës 11:10, Salla Operative është njoftuar se në rrugën që të çon tek varrezat e “Stom Golemit”, një person në një makinë, është pa shenja jete.
Shërbimet e Policisë kanë shkuar menjëherë në vendngjarje ku kanë konstatuar se në mjetin tip “Benz” me targa AA 275 BF , ndodhej trupi i pajetë i shtetasit A.Sh. 32 vjeç, banues në Shkodër, i vrarë me armë zjarri nga persona akoma të paidentifikuar.
Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes.
Në vendngjarje janë gjetur dhe sekuestruar tre gëzhoja pistolete.
Janë ngritur pika kontrolli si dhe po bëhet krehja e zonës me qëllim kapjen e autorëve.
Në mbështetje të veprimeve që po kryhen nga D.V.P. Shkoder për kapjen e autorëve, janë edhe grupe të FNSh-së.
