Gjykata e Lushnjes ka vendosur ditën e somte masën e sigurisë “Arrest me burg” për dy të arrestuarit Afrim dhe Marjo Hasalla.
Ata akuzohen për ngjarjen e rëndë që ndodhi dy ditë më parë ku për shkak të një sherri për tokën vranë me armë Romeo Hasallën, plagosën vëllezërit e tij, Laert e Emiljano Hasalla dhe babain Shaip Hasalla.
Bëhet me dije se seanca e sotme u krye me dyer të mbyllura, teksa të dyshuarit nuk e pranuan akuzën.
Ndërkohë në krim ka marrë pjesë edhe Kastriot Hasalla, i cili pas arratisë është vetëdorëzuar në polici.
Kujtojmë se ngjarja e rëndë ndodhi paraditen e 29 Korrikut në Garunjas të Lushnjes. Autorët e dyshuar të ngjarjes u përplasën me viktimën, vëllezërit e tij dhe babain e tyre. Në thelb të sherrit të tyre ishte një tokë, e cila përfundoi në një tragjedi. Autorët e dyshuar ishin kushërinj me viktimën dhe të plagosurit e tjerë./Opinion.al
