Detaje të reja kanë dalë nga ngjarja e ndodhur ditën e djeshme në Sarandë, ku 41-vjeçari Klodian Bakiu mbeti i vrarë pas sherrit për një vend parkimi.
Policia bën me dije se dy vëllezërit Xhanelo Taraj e Xhoi Taraj të dy banues Laç dhe të punësuar përkohësisht në Sarandë, në bashkëpunim me njëri-tjetrin, dyshohen se mbrëmjen e djeshme, në rrugën “Lefter Kalo”, në lagjen nr.1, Sarandë, pas një konflikti të çastit, për motive të dobëta, për një vend parkimi në afërsi të hotelit, ku ishin të punësuar kanë goditur me mjet prerës (thikë), 41-vjeçarin, banues në Tepelenë, i cili si pasojë e dëmtimeve të marra, ndërroi jetë në spitalin e Sarandës
Dy të rinjtë akuzohen për veprat penale “Plagosja e rëndë me dashje”, me pasojë vdekjen, kryer në bashkëpunim dhe “Prodhimi, mbajtja, blerja apo shitja pa leje e armëve të ftohta”.
Po ashtu në pranga është vënë edhe punëdhënësi i tyre Genci Ahmeti, i cili tentoi të fshihte ngjarjen.
