Policia ka dhënë informacion zyrtar lidhur me vrasjen me armë zjarri të 22-vjeçarit në lagjen “Hajro Çakërri” të Vlorës.
Policia thotë se vrasja e Gëzim Sinomatit ka ndodhur rreth orës 22:00. Ndërkohë, shërbimet e Policisë kanë rrethuar zonën dhe janë ngritur pika kontrolli në hyrje dhe në dalje të qytetit, si dhe përgjatë rrugëve që lidhin njësitë administrative, me qëllim kapjen e autorit/ve.
Grupi hetimor po vijon punën për sekuestrimin e çdo prove materiale që do ti shërbejë zbardhjes së ngjarjes dhe identifikimit të autorit/ve.
Në ndihmë të Policisë Vendore janë nisur Forcat Speciale Renea, Forcat Kombëtare të Sigurisë dhe Delta Forcë.
