40 vjeçari, Fation Sinani u ekzekutua në derën e shtëpisë së tij në qytetin e Vlorës, mbrëmjen e martës. Policia tha se ai nuk njihet si person me probleme, dhe se familja (burrë e grua) jetonte në kushte të vështira. Aktualisht grupi hetimor ka ngritur një pistë: Konflikte për pazaret e drogës.
Burri me origjinë nga Tropoja jetonte prej 5 vitesh në Vlorë bashkë me bashkëshorten. Ai punonte në ndërtim ndërsa e shoqja në fasoneri.
Por sot, burimet saktësuan se dyshohet se një vit më parë Sinani ka punuar në një parcelë droge në Vlorë, ndaj dhe hetimet për momentin janë përqendruar në këtë pikë.
Ndërkohë personi që u arrestua si i dyshuar për vrasjen nuk ka pranuar të flasë në polici duke mohuar të jetë ai autori./Opinion.al
