Janë mësuar detaje të reja për krimin e ndodhur brenda familjes në Vlorë, ku një burrë mbyti gruan e tij me duar dhe më pas preu damarët e tij me thikë në gjendje të rënduar psikologjike. Fqinjët e çiftit kanë pranuar se Teodori, ishte shumë xheloz për të shoqen.
Ata thanë se xhelozia e tij arrinte deri aty sa viktima nuk dilte nga shtëpia, madje nuk krihte as flokët.
“Vajza ka ardhur në mëngjes në Vlorë se ajo rrinte në Tiranë, ishte studente. Ai ishte shumë xheloz. Ai nuk punonte, vetëm kjo punonte, shiste rroba. Ata jetojnë prej 5 vitesh në shtëpinë e vëllait të tij në Vlorë. Por ishte shumë xheloz. Ajo nuk dilte nga shtëpia, as flokët nuk i krehte sepse ishte ai xheloz. Vetëm në punë e brenda. Kanë ardhur nga Bunavia që të punonte dhe ai. Se shtëpinë e tyre e kishin në Bunavi”, tregoi për ‘Balkanweb’ fqinja e familjes.
Pak më parë u raportua që mes çiftit ka pasur grindje të vazhdueshme madje ngjarja është një tragjedi e paralajmëruar. Para disa kohësh çifti Lera përfundoi në polici, pasi Teodori i kishte çarë kokën gruas së tij, e cila kishte vendosur ta falte./E.M
