Një automjet i djegur është gjetur në fshatin Golaj të Hasit.
Policia dyshon se makina mund të jetë përdorur nga autorët e vrasjes së Guxim Gjyriçit, mbrëmjen e djeshme në lagjen “Partizani” në Tropojë.
Lexo edhe: FOTO/ Detaje nga dinamika e vrasjes në Tropojë, lidhja e viktimës Haklajt
Automjeti i djegur është i tipit “Ford Fiesta”. Ende nuk dihet nëse autorët kanë përdorur këtë automjet ose nëse ai ka qenë automjeti i vetëm që ata kanë përdorur për tu larguar.
Fshati ku u gjet makina e djegur ndodhet rreth 60 kilometra nga Bajram Curri dhe është afër kufirit me Kosovën.
Ndërkohë që nga mëngjesi i sotëm, policë të komisariatit të Tropojës dhe Kukësit, sëbashku me dy skuadra të FNSH kanë zbarkuar në zonë dhe po vazhdojnë kontrollet për gjetjen e autorëve të atentatit. /Opinion.al
