Detaje të reja kanë dalë në dritë nga vrasja e 39-vjeçarit, Briken Sanaj një natë më parë tek Kodra e Diellit, në Tiranë.
Mësohet, se viktima përveç se me emrin Briken Sanaj me të cilin ishte i regjistruar në dokumenta, njihej nga banorët dhe me emrat Anton Gjinaj dhe Skerdi.
Sipas “News 24”, në vitin 2010, Sanaj ka pasur konflikt me një familje, ndërsa në 2012 vëllai i tij ka plagosur një person.
Po ashtu, bëhet me dije se 39-vjeçari më së shumti jetonte në Itali, ndërsa mbrëmjen e djeshme, kur dhe ndodhi ngjarja sapo ishte kthyer nga Lezha, ku kishte qenë në një sebep familjar. Mësohet se autorët ka monitoruar çdo lëvizje të tijën.
Kujtojmë se i riu u ekzekutua me tre plumba në kokë, ndërsa dyshohet se në krim kanë marrë pjesë dy persona. Autorët, pas krimit janë larguar me makinë tip “Benz”, ndërsa mjeti u gjet i djegur pak minuta më vonë në Kashar.
Ende nuk dihet identiteti i autorëve, ndërsa janë shoqëruar në komisariat disa persona për t’u pyetur rreth ngjarjes. Po ashtu, janë sekuestruar kamerat e sigurisë./Opinion.al
