Deputeti i Partisë Demokratike, Ervin Salianji ka reaguar pas ngjarjes së rëndë që ndodhi mbrëmjen e sotme në Shkodër, ku mbeti i vrarë 19-vjeçari Erjon Xhenjo.
Përmes një postimi në “Facebook”, Salianji shkruan se ngjarja e sotme tregoi se në Shqipëri nuk ka siguri dhe se banditët nuk kanë frikë nga autoriteti i shtetit. Sipas tij, siguri sot kanë vetëm bandat e krimit të organizuar.
“Ngjarjet e sotme kriminale në Shkodër dhe Korçē edhe njêherë tjetër tregojnë që Shqipëria është pa rend dhe siguri, që banditët nuk kanë firkë nga autoriteti i shtetit dhe zgjedhin kur dhe ku të duan të lajnë hesapet me njëri tjetrin apo të kërcënojnë ata që nuk ju nënshtrohen!
Ndërkohë që grupet kriminale janë sofistikuar dhe qytetarët janë nën terror, kryeministri ka një realitet paralel kur shprehet se Shqipëria është më e sigurta!
Siguri deri më sot po tregohet që kanë vetëm bandat e krimit të organizuar, siguri që janë të paprekshëm, që cfarëdo të bëjnë qeveria do numërojë makinat e djegura dhe do përpiqet të mbulojë kriminalitetin e lartë me propaganda”, shkruan Salianji./Opinion.al
