Policia e Shtetit ka dhënë informacion zyrtar për ngjarjen e ndodhur në Shkodër, ku mbeti i vrarë 57 vjeçari Ismet Çekorja, babi i i Bajram Çekores, i cili është shpallur në kërkim nga Policia e Shkodrës si një nga autorët e atentatit të dështuar ndaj Alban Bruçit.
Ngjarja ka ndodhur në lagjen “Guerrile”, në Shkodër, ndërsa grupi hetimor po vijon punën me qëllim identifikimin dhe kapjen e autorit/ëve.
“Në lagjen “Guerrile”, në Shkodër, në rrethana ende të paqarta është plagosur me armë zjarri shtetasi I. Ç., 57 vjeç, banues në lagjen “Guerrile”, Shkodër, i cili më pas ka ndërruar jetë në Spitalin Rajonal Shkodër.
Grupi hetimor, nën drejtimin e Prokurorisë, vijon punën në vendngjarje, për sqarimin e plotë të rrethanave, dokumentimin ligjor të kësaj ngjarjeje, me qëllim identifikimin dhe kapjen e autorit/ëve”-njofton policia.
