Detaje të reja janë zbuluar në lidhje me vrasjen e dy vëllezërve Bilali në Shkodër, paraditen e 30 marsit. Sipas grupit hetimor, në momentin kur autorët e vrasjes kanë qëlluar në drejtim të dy vëllezërve, Astrit Bilali ka qenë i armatosur me një pistoletë dhe është kundërpërgjigjur.
Dëshmitarët okularë thonë se Bilali ka nxjerrë pistoletën pasi është plagosur dhe ka qëlluar në mënyrë instiktive, pa pasur mundësi të marrë në shënjestër autorët. Kjo vërtetohet edhe nga prania e gëzhojave pranë trupit të viktimës.
Në brendësi të mjetit tip “Benz”, që autorët i vendosën flakën pas ngjarjes, është gjetur edhe arma e krimit tip automatik e cila është përdorur në vrasjen e dy vëllezërve Astrit dhe Brahim Bilali. Sipas policisë, ky automjet rezulton i vjedhur që në dhjetor të vitit 2018 dhe ka qenë me targa false./Opinion.al
