Qyteti i Shkodrës u trondit mëngjesin e sotëm nga vrasja me armë zjarri e 33-vjeçarit, Ramazan Mataj.
I pyetur nga gazetarët, xhaxhai i viktimës, Naim Mataj është shprehur se nipi i tij nuk ka pasur ndonjë konflikt që mund të jetë arsyeja e ekzekutimit të tij.
Xhaxhai i Ramazanit tregoi se 33-vjeçari para afro një viti e gjysmë ka qenë në Belgjikë, ndërsa kohët e fundit ka punuar në Malin e Zi nëndërtim.
Po ashtu, ai tregoi se pasi kishin marr vesh ngjarjen mëngjesin e sotëm, policia nuk i kishte lejuar të shihnin trupin e 33-vjeçarit.
Xhaxhai i viktimës, Naim Mataj:
Nuk ka asnjë konflikt nipi. Punonte në Malin e Zi si mjeshtër në ndërtim. Para afro një viti e gjysmë ka qenë në Belgjikë, ndërsa kohët e fundit ka punuar në Malin e Zi. Vëllai i tij ndodhet në Belgjikë. Nuk kanë probleme apo ndonjë konflikt. Janë rritur me vështirësi sepse nuk e kanë pasur gjendjen ekonomike. Nuk është i martuar. Shtëpia nga vendngjarja është rreth një kilometër larg. Policia nuk na la të shihnim kufomën.
