Kronikë

Vrasja në Rrëshen/ Autorët e vëzhguan, Anton Keli eci i plagosur 40 metra


Bëhu pjesë e Grupit Zyrtar të Opinion.al
>> KËTU <<
               Publikuar në : 11:23 - 16/12/20 |
Doriana Çepunaj

Detaje të reja janë zbardhur pas ngjarjes së rëndë të ndodhur mbrëmjen e djeshme në Rrëshen, ku u ekzekutua me armë zjarri 51-vjeçari Anton Keli.

Sipas “Abc news”, dyshohet se autorët kanë marrë më parë informacione lidhur me vendndodhjen e viktimës dhe e prisnin atë në hyrje të Rrëshenit.

Sipas të dhënave nga hetimet, 51-vjeçari ndaloi makinën e tij 200 metra larg marketit. Më pas doli nga mjeti dhe drejt tij u qëllua me armë.

Anton Keli eci për 40 metra në këmbë për të kërkuar ndihmë në një biznes afër, por nuk ka mundur tu mbijetoi plagëve të marra duke humbur jetën.

Edhe pse nuk ka ende asnjë të arrestuar, pista kryesore mbetet hakmarrja pasi Anton Keli është nip i fisit Gjini që është në hasmëri në Mirditë me fisin Reçi. Kujtojmë që dy vëllezërit, Tonin dhe Preng Gjini janë emra të njohur për policinë.

Tonin Gjini është ekzekutuar përpara kishës së Rrëshenit në vitin 2019, ndërkohë që vëllait të tij Preng Gjini i është bërë atentat me tritol pranë shkollës “Vasil Shanto” në Tiranë në shtator të vitit 2020. Ai mundi të mbijetonte./Opinion.al

 

Pas