Duket se për autorët e krimit nuk ka mjaftuar vetëm ekzekutimi fizik Albi Bashaliut, por i kanë djegur edhe automjetin.
Ashtu siç shihet edhe në video, makina që është shkrumbuar i përkiste viktimës. Nuk dihet se cili ka qenë shkaku që i ka çuar autorët e krimit në djegien e 35-vjeçarit, por grupi hetimor ka nisur punën për zbardhjen e çështjes.
Kujtojmë se Albi Bashaliu u ekzekutua sot, rreth orës 08.39, në fshatin Gjoçaj, në Peqin.
Policia informoi se vrasja e të riut ka ndodhur në rrugë, në rrethana ende të paqarta.
Albi Bashaliu ishte vëllai i Leonard Bashaliut, ky i fundit vrau 6 muaj më parë në Peqin Ylber Xhahysën. Nuk dihet se krimi i të vëllait ka lidhje me ekzekutimin e 35-vjeçarit, por një nga pistat e hetimit është edhe hasmëria./Opinion.al
