Ditën e sotme Gjykata e Apelit Tiranë ka liruar nga burgu dy mjekët Viktor Marku dhe Besim Lama të cilët mjekuan Eduart Lamajn, autorin e dyshuar të atentatit të 30 majit, ku u ekzekutuan Paulin Gjergji dhe Bujar Lika në Laç.
Masa e sigurimit “arrest në burg” u ndryshua në “detyrim për paraqitje në policinë gjyqësore”.
Ndërkohë, Mësohet se pavarësisht ndryshimit të masës, mjekët përmes avokatëve të tyre, do të bëjnë rekurs në Gjykatën e Lartë, ku do të kërkojnë revokim e masës së sigurimit, e cila do ti hapte rrugën pushimit të çështjes në ngarkim të tyre me pretendimin që fakti nuk përbën vepër penale.
Eduart Lamaj u arrestua 3 javë pas vrasjes në Laç, teksa prej po kaq kohësh kishte qëndruar i fshehur me plagë në trup gjatë përplasjes së 30 majit. Por pikërisht më 22 qershor ai vendosi të shkojë në një klinikë private në Qyteti Studenti në Tiranë për t’u mjekuar ku dhe u arrestua bashkë me mjekët që e kishin marrë dorëzim.
Për ngjarjen e Laçit është arrestuar edhe Ilir Xhepaj kurse në kërkim janë dy të tjerë bashkëpuntorë./ Opinion.al
