Detaje të reja kanë dalë një ditë pas vrasjes së ndodhur ditën e djeshme në Kavajë, ku u ekzekutua në një lokal 48-vjeçari Arian Gosa.
Sipas informacioneve, autori i krimit Habib Rexha u identifikua nga policia nga një kamera sigurie që ndodhej në një biznes rreth 100 metra larg lokalit ku ndodhi ngjarja.
News 24, raporton se në kamerat e sigurisë shfaqej autori i krimit duke ikur me vrap në këmbë, i pa maskuar, me një çantë në dorë dhe pistoletën. Ai eci për rreth 200 metra deri te automjeti që kishte lënë gati për t’u arratisur.
Grupi hetimor ka dyshime se autori ka ndjekur dhe vëzhguar ditën e djeshme të gjitha lëvizjet e viktimës Arian Gosa deri në momentin kur ky i fundit ka shkuar të konsumojë një kafe me babanë e tij në lokal.
Arian Gosa kishte vetëm pak minuta që ishte ulur në kafe me babanë e tij në momentin që Habib Rexha e qëlloi për vdekje.
Mësohet se Rexha qëlloi me dorën e majtë për shkak të problemeve shëndetësore që kishte me dorën e majtë.
