Polica ka reaguar përmes një njoftimi zyrtar lidhur me vrasjen në qytetin e Hasit.
Sipas bluve, viktima e të shtënave me armë zjarri është Rushit Sallahu.
Ngjarja e rëndë ka ndodhur pas një sherri për motive pronësie. Bëhet me dije se autori Ylje Jaku u arrestua nga polcia dhe iu sekuestrua arma e krimit.
Njoftimi i policisë:
Rreth orës 16: 40, është marrë njoftim se në fshatin Pla, shtetasi Y. J., 41 vjeç, dyshohet se ka vrarë me armë zjarri shtetasin R. S., 34 vjeç, dyshohet për motive pronësie
Në vendngjarje shkuan menjëherë shërbimet Policisë, si dhe në mbështetje të Policisë lokale shkuan Forcat e Posaçme Shqiponja të DVP Kukës.
Si rezultat i veprimeve të shpejta policore u bë kapja dhe arrestimi i autorit të dyshuar.
Në vendin e ngjarjes është gjetur dhe sekuestruar arma e zjarrit e dyshuar e përdorur nga autori.
Nën drejtimin e Prokurorisë, vijon puna për dokumentimin e plotë të ngjarjes.
