Të tjera detaje kanë dalë në dritë lidhur me vrasjen e 57-vjeçarit Adem Backa një natë më parë në qytetin e Fierit. Pronar i një lokali në këtë qytet dhe pronar i hoteleve në Himarë dhe Sarandë, Backa u qëllua ndërsa qëndronte brenda mjetit të tij tip “Audi” parkuar në vendin ku ai u qëllua.
Ndërkohë policia gjeti pak minuta më pas një mjet të djegur, në afërsi të fshatit Daullas, çka besohet se ishte i autorëve. Informacionet për news 24 thonë se makina ishte me targa të Kosovës, por nuk është e konfirmuar nëse këto targa janë reale të mjetit apo të falsifikuara. Në makinën tip “Mercedes” C-clas me portobagazh, u gjetën edhe 16 gëzhoja dhe dy armë zjarri, një pistoletë dhe një automatik kallashnikov. Një nga pistat ku po heton policia është edhe një konflikt i para pak kohëve mes viktimës dhe një subjekti të OFL në Fier./Opinion.al
