Detaje të reja kanë dalë pas atentatit të ndodhur mbrëmjen e djeshme në qytetin e Elbasanit.
Mësohet se pak minuta para ngjarjes Everest Çaka ka shkuar të marrë gruan te puna. Pasi kanë drekuar janë nisur nga shtëpia e tyre që e kanë pas Gjykatës së vjetër në Elbasan te shtëpia e prindërve të Silvanës.
Sapo kanë dalë në rrugicë 50 metra nga shtëpia e vjehrrit makina tip “Benz” e autoreve i ka goditur nga mbrapa. 41-vjeçari ka ndaluar dhe aty është afruar një person i veshur me të zeza dhe e ka qëlluar. Nga kqyrja e trupit rezulton se Çaka ka marrë 15 plumba në trup. Ndërsa mësohet se gruaja e tij Silvana punon në një institucion shtetëror.
Everest Çaka kishte një muaj qe ishte kthyer nga Spanja. Në dëshiminë e dhënë gruaja ka thënë që ka parë vetëm një person por nga tronditja nuk mban mend shume detaje.
Automjeti i ekzekutorëve rezulton se ka qenë i vjedhur. Ndërkohë sikurse u bë me dije dhe më herët rrugica ku ka ndodhur ngjarja nuk ka kamera sigurie./Opinion.al
