Një armë zjarri automatike AK 47 është gjetur në makinën e djegur në Sukth mëngjesin e sotëm, sipas Klan News. Dyshimet e para janë se mjeti qe me pas u dogj, u përdor nga autorët e vrasjes së 40-vjeçarit Edmond Koçi në qytetin e Durrrësit, e po kështu edhe arma automatike dyshohet të jetë përdorur nga atentatorët. Nga fotot e publikuara në Opinion.al, shihej qartë se autorët e vrasjes kishin derdhur një breshëri plumbash mbi 40-vjeçarin Edmond Koçi, i njohur ndryshe edhe si Mond Çekiçi. Ngjarja ndodhi në lagjen nr.16 të Durrësit, pranë Drejtorisë Arsimore, ndërsa informacionet e para flasin për një atentat mafioz.
Viktima udhëtonte me një automjet tip Mercedes i drejtuar nga shoferi i tij, ndërkohë që autorët i kanë bllokuar rrugën. Sikurse raportohet në media, në momentin që shoferi ka zbritur nga mjeti të sqarojë rrethanat e bllokimit të rrugës, autorët kanë qëlluar mbi 40-vjeçarin.
