Është zbardhur edhe arsyeja e vrasjes së djeshme të ndodhur në Dibër, ku një simpatizant i LSI-së u gjet i vrarë me një plumb në kraharor. Autori i ngjarjes është Viktor Elezi, i cili dje rreth orës 1.30 në fshatin Blliçë të Dibrës qëlloi për vdekje 42 vjeçarin Alban Kaloshi. Pas arrestimit, autori Elezi është shprehur se vrasja ka ndodhur nga pakujdesia. Mësohet se viktima është dërguar i vdekur në spitalin e Dibrës nga persona që dyshohet se janë personat që e kanë qëlluar. Ndërsa policia sot ka ndaluar edhe shtetasin Veli Titini “Për përkrahje të autorit të krimit”. Nga kqyrja paraprake e bërë nga eksperti mjeko ligjor rezulton që viktima të jetë goditur me një plumb në kraharor. Janë ende të pa qarta rrethanat e ngjarjes, kemi të bëjmë me vrasje apo ngjarje aksidentale.
Njoftimi i policise
Me datë 22.09.2017, rreth orës 03.30 të mëngjesit në Sallën Operative të Drejtorisë Vendore të Policisë Dibër ka ardhur një telefonatë nga urgjenca e Spitalit Rajonal se ka ardhur i vrarë me armë zjarri shtetasi Alban (Gëzim) Kaloshi, 42 vjeç, banues në fshatin Blliçe, Bashkia Dibër.
Menjëherë ka shkuar Grupi hetimor ku ka rezultuar se:
Dy persona ende të pa identifikuar nga Policia kanë çuar në urgjencën e spitalit pa shenja jete shtetasin A.K, dhe janë larguar pa u identifikuar në urgjencën e spitalit.
Nga kqyrja paraprake e bërë nga eksperti mjeko ligjor rezulton që viktima të jetë goditur me një plumb në kraharor. Janë ende të pa qarta rrethanat e ngjarjes, kemi të bejmë me vrasje apo ngjarje aksidentale.
Grupi hetimor po punon për zbardhjen e ngjarjes. Janë shoqëruar disa persona që kanë qenë të shoqëruar me viktimën në orë te ndryshme të mbrëmjes së djeshme. Po bëhet kqyrja e telefonit të viktimës
Si dhe po punohet për identifikimin dhe shoqërimin e personave që kanë çuar në spital viktimën.
