Të tjera detaje janë zbardhur lidhur me vrasjen Erigers Mihasi dhe Armando Dumani mbrëmjen e djeshme në zonën e Astirit në Tiranë.
Mihasi dhe Armando Dumani janë qëlluar me breshëri plumbash brenda “Audit” luksoz, duke humbur jetën në vend. Autorët pasi qëlluan ndaj tyre, janë larguar me një automjet nga Astiri duke udhëtuar për në Thumanë ku dogjën makinën, brenda së cilës u gjetën dy kallashnikov.
Mësohet se targat e mjetit “Toyota” që u përdor në atentatin mafioz, janë denoncuar të vjedhura në kryeqytet më 2 korrik të këtij viti.
Aktualisht grupi hetimor nën drejtimin e Prokurorisë po punon për dokumentimin e ngjarjes si dhe grumbullimin e provave që çojnë në identifikimin e autorëve të ngjarjes.
Erigers Mihasi dhe Armando Dumani ishin persona me precedent penal. Mihasi është i dyshuar për disa vepra kriminale në vendin tonë, ndërsa kohët e fundit prokuroria, edhe pse nuk kishte akuza zyrtare, po e mbante në përgjim për një vrasje të ndodhur pak javë më parë në Laç. Dumani ka qenë pjesë e një grupi grabitësish bankash./Opinion.al
