Burg përjetë ishte vendimi i Gjykatës së Korfuzit për 2 shqiptarët Emiljano Nana, 28-vjeç nga fshati Tosk Martalloz i Tepelenës dhe Vidjon Gogaj, 27-vjeç nga Fieri.
Ata akuzohen si autorë të vrasjes së Bledar Terpollarit ne 9 maj 2016 në Gliki të Igumenicës. Trupi i të riut shqiptar u gjet pa kokë në një stan bagëtish.
Në fillim u akuzua pronari i tij grek, por më pas u zbulua se shkak ishin pazaret e drogës ku ishte ngatërruar shqiptari me patriotë të tij. Gjykata shpall të pafajshëm Pajtim Jaupin, 28-vjeç nga Tepelena. Është ende i pagjykuar kushëriri i viktimës Krenar Tërpollari, 27-vjeç, i cili ndodhet i arrestuar për çështje droge në Shqipëri së bashku me një tjetër shqiptar.
Në vendimin e Gjykatës thuhet se vrasja ndodhi për shkak te prishjes se pazareve te trafikut te drogës. Viktima u kishte borxh vrasësve 20 mije euro nga shitja e drogës. Kur ka refuzuar të paguajë ata e kanë vrarë dhe kanë dhunuar trupin e tij. Vendimi i Gjykatës ishte në mungesë për dy shqiptarët të cilët kanë të drejtë të kërkojnë lirim vetëm pas 20 vitesh burg. /tv Klan
