Policia greke po heton për vrasjen e shqiptarit, Rigert Dervishi 32 vjeç. Pista kryesore e hetimit është ajo e larjes së hesapeve mes bandave. Nisur nga mënyra e ekzekutimit të 32-vjeçarit, Rigert Dervishi në lagjen “Keratsini” të Pireut, mediat greke shkruajnë se dy atentatorët kanë qëlluar me gjakftohtësi.
I riu nga Kuçova ka marrë 10 plumba ndërsa ishte në automjetin e tij. “E gjithë skema e vrasjes ka qenë e ndërtuar me saktësi, që i ngjan një ekzekutimi mafioz”, shkruajnë mediat greke. Policia ka gjetur 10 gëzhoja të kalibrit 9mm në vendin e ngjarjes. Gjithashtu hetuesit kanë marrë në pyetje disa dëshmitarë të cilët kanë thënë se autorët u larguan me një automjet tip “Toyota”.
