Kronikë

Vrasja e zyrtarit në Vlorë, 3 në pranga. Hyri për të shuar sherrin, por…


               Publikuar në : 08:49 - 12/06/19 |
xhu lia

Policia e Shtetit ka vënë në pranga tre autorët e dyshuar të vrasjes së kreut të Njësisë Administrative Kotë, Argjil Gjoka. Në pranga kanë rënë, 19-vjeçari, Arif Bejtja që dje mbeti i plagosur pas sherrit me armë, Namik Bejtja 30-vjeç dhe Jaçe Bejtja 22-vjeç. Të tre këta persona kanë patur lidhje gjaku me Argjil Gjokën, i cili mbeti i vrarë me një plumb në gjoks.

Ndërkohë është shpallur në kërkim edhe një 32 vjeçar tjetër, M.P (B) banues në Vlorë. E gjithë ngjarja ka ndodhur rreth orës 14:20, në fshatin Petë të Selenicës.

Këta personat, sipas policisë, në bashkëpunim me njëri-tjetrin kanë tentuar të vrasin për motive të dobëta dy vëllezër.

Por pas ndërhyrjes për të shuar këtë konflikt, u qëllua me plumb Kryetari i Njësisë Administrative Kotë, Argjil Gjoka, i cili humbi jetën me pas në spital.

Materialet në ngarkim të 3 personave të arrestuar iu referuan Prokurorisë, për veprat penale “Vrasja në rrethana të tjera cilësuese” kryer në bashkëpunim dhe “Mbajtja pa leje e armëve dhe municioneve luftarake”./ Opinion.al

Pas