Sot Gjykata e Lezhës ka caktuar masën “arrest me burg” për Nikoll Sherrnikun, i akuzuar si i përfshirë në vrasjen e efektivit Xhulio Prela.
Sherrniku është vetëdorëzuar në polici në datë 19 Dhjetor ora 16:00 duke pretenduar pafajësinë. Ai është dorëzuar në policinë e Lezhës pasi gjykata e Lezhës i kishte caktuar masën e sigurisë arrest me burg katër ditë më parë, në datë 15 Dhjetor.
Sherrniku thekson se në momentin e vrasjes së Xhulio Prelës ai ndodhej në banesën e tij. Ndërkohë, autoritetet kanë shpallur në këkrim Brilant Martinajn, i cili gjithashtu dyshohet se është i përfshirë në vrasjen e efektivit.
26-vjeçari Xhulio Prela, u vra teksa po kthehej nga Shkodra mëngjesin e 5 dhjetorit, nga ku kishte dërguar më herët një mikun e tij që ishte kthyer nga Anglia. Vrasja ndodhi në afërsi të fshatit Gajush në orën 03:00 të mëngjesit teksa dyshohet se Xhulio Prela është qëlluar nga afër me tre plumba, ndërsa njëri prej tyre ka qenë në zemër duke i shkaktuar vdekjen.
