Gjykata e Vlorës ka dënuar me 21 vite burg, Elton Hajnajn i cili akuzohet se ka vrarë Tauland Beqirajn.
Mësohet se gjykata i caktoi Hajnajs 2 vite më shumë se sa kishte kërkuar prokuroria për akuzën e “Vrasjes me dashje” dhe “Mbajtjes pa leje të armëve të zjarrit”.
Ngjarja ka ndodhur më 3 mars të 2021, pranë Gjykatës së Apelit ku është ekzekutuar me armë 31-vjeçari, Tauland Beqiraj.
Atentati ka ndodhur në momentin kur viktima ishte duke ecur në këmbë në trotuar. Autori i vrasjes, sipas dëshmitarëve, ka zbritur nga një mjet, i pa maskuar, dhe ka qëlluar me breshëri ndaj Beqirajt duke e lënë të vdekur në vend.
Hajnaj është akuzuar si autori kryesor që ka shkrepur armën dhe ka vrarë të riun në rrugën Transballkanike.
Gjithashtu dhe 2 shokët e tij Hans Jonuzaj dhe Skerdjan Gabrani janë dënuar me nga 6 vite burg secili si përkrahës të autorit të krimit./Opinion.al
