Shoku i ngushtë i tifozit 29-vjeçar të AEK-ut, Michalis Katsouris, i cili humbi jetën prej goditjeve me thikë pas përleshjeve që u regjistruan në Greqi me tifozët kroatë të Dinamo Zagrebit, ka rrëfyer momentet e fundit të të riut.
“E vetmja gjë që dëgjova ishte një zë që thoshte “vëlla më kanë goditur” dhe të kthehesha për të parë kush është dhe çfarë është”, tregon Kristos.
Ai tregon se ndihma e shpejtë i është dhënë shumë vonë, për shkak të kaosit të shkaktuar në ato momente.
“Kishte gjakderdhje pa pushim. Ai donte të zbrisnim nga karrigia dhe të shtrihej, ne nuk e lamë. Aty ishte një vajzë që ishte infermiere, vajza po përpiqej të bënte gjithçka që mundej”, vijon ai.
Michalis Katsouris i është dashur të përshkojë një distancë prej 100 metrash nga vendi ku u godit me thikë deri te në një kabinë përballë kishës së Agia Triada, ku u fsheh.
Lidhur me ngjarjen policia greke ka arrestuar 98 persona. Mes tyre janë 87 kroatë, një shqiptar, një austriak, një boshnjak, një gjerman dhe pesë grekë./Opinion.al
