Dalin në dritë të tjera detaje nga ngjarja e rëndë e ndodhur këtë mbrëmje në Shkodër, ku një djalë 10-vjeçar ndërroi jetë pasi u qëllua me çifte nga xhaxhai i tij.
Sipas policisë 68-vjeçari ka qenë duke pastruar armën e gjahut në momentin që ndodhi ngjarja.
Njoftimi i policisë:
Më datë 09.08.2022, rreth orës 21:55, në fshatin Samrisht, Shkodër, nga të dhënat paraprake dyshohet se aksidentalisht duke pastruar çiften, shtetasi V.J, 68 vjec, ka vrarë me armën e gjahut nipin e tij B.J, rreth 10 vjeç.
Nga e shtëna aksidentale është plagosur në dorë dhe vetë shtetasi V.J. jashtë rrezikut për jetën.
Në vendngjarje po shkon grupi hetimor, nën drejtimin e Prokurorisë, për kryerjen e veprimeve dhe zbardhjen e plotë të rrethanave të ngjarjes.
