Pesë persona janë vënë në pranga nga autoritetet pas vrasjes së shqiptarit në ishullin e Mykonos tre ditë më parë.
Të arrestuarit janë të gjithë me origjinë shqiptare. Katër u arrestuan në Mikonos, ndërsa i pesti në Portin e Rafinas në tentativë për t’u arratisur. Ata janë të moshave 22, 27 dhe 29 vjeç.
Sipas mediave greke, policia është në kërkim edhe të një personi të gjashtë, që dyshohet si i përfshirë në vrasjen e 27-vjeçarit shqiptar.
Viktima u dhunua pas sherrit me një grup personash dhe u qëllua me thikë në zemër, ndërsa goditja reyultoi fatale për të riun shqiptar. 27-vjeçari u dërgua i pajetë në spital dhe mjekët konstatuan vdekjen e tij.
Ngjarja dyshohet që të ketë ndodhur pas konfliktit për çështje borxhi, por kjo pistë nuk është konfirmuar ende. Autoritetet greke janë duke hetuar për të zbardhur vrasjen e 27-vjeçarit shqiptar.
I riu kishte qenë në ishull ilegalisht që nga shkurti, dhe ishte pa dokumente./Opinion.al
