Një 51-vjeçar shqiptar u ekzekutua ditën e djeshme në Greqi me një plumb në kokë.
Sipas mediave greke, viktima u identifikua si Aleksandër Zaka i cili ishte nga qyteti i Lushnjes.
51-vjeçari u gjend i pajetë nga një i afërm në një shtëpi në Salaminë, i cili më pas ka njoftuar autoritetet mbi ngjarjen e rëndë.
Mediat greke e kanë konsideruar vrasjen e shqiptarit si një “thriller”, teksa thonë se 51-vjeçari ka qenë viktimë e veprimtarisë kriminale pasi është vrarë me një plumb në kokë.
Viktima i cili ishte nga Lushnja, nuk kishte shkelur në Shqipëri përgjatë 15 viteve të fundit, ndërsa mësohet se Zaka nuk kishte asnjë precedent kriminal të regjistruar në Shqipëri apo Greqi.
Përgjigjet për shkaqet e vdekjes pritet të jepen nga autopsia që do t’i bëhet trupit të 51-vjeçarit shqiptar.
Ndërkohë autoritetet njoftojnë se rasti është marrë nga Drejtoria e Sigurisë së Atikës, e cila po kryen hetimet paraprake për ngjarjen./Opinion.al
