Autori i vrasjes së 26-vjeçarit shqiptar në rrugët e Athinës është vetëdorëzuar në polici. Sipas asaj që shkruajnë mediat greke, ai mësohet se është gjithashtu shqiptar dhe në polici ka deklaruar se e ka kryer vrasjen për arsye personale.
Nuk ka shumë detaje rreth këtyre arsyeve apo për identitetin e autorit, megjithatë ai mësohet se ka shkuar në stacionin e policisë mëngjesin e së enjtes dhe ka rrëfyer krimin.
E gjithë ngjarja ndodhi në lagjen Peristeri të Athinës, të mërkurën.
Dëshmitarë thanë se 26-vjeçari shqiptar kishte debatuar me autorin, përpara se ky i fundit ta godiste me thikë. I riu u dërgua në spital, por nuk mundi t’i mbijetonte plagëve.
