Joana Peca u ekzekutua me armë zjarri në prani të dy fëmijë brenda në makinë në ‘Woodlawn’ në Shën Petersburg, rreth orës 17:30 të së shtunës.
27-vjeça ishte larguar nga Shqipëria 15 vite më parë bashkë me të ëmën e saj. Shumë vite më parë asaj i kishin vrarë edhe të atin.
ABC kontaktoi me një të afërme të viktimës në Shqipëri. Ajo shprehet i ati i Joana Peces, u vra kur në vend sapo kishin nisur trazirat e vitit 1997. Ajo mohon që dy ngjarjet të kenë lidhje me njëra-tjetrën.
E afërmja e 27-vjeçares tregon se Joana Peca ishte larguar drejt SHBA bashkë me të ëmën pasi u bënë fituese të lotarisë amerikane.
Ajo kishte dy djem të mitur, 3 muajsh dhe vjeç, të cilët sipas mediave amerikane në momentin e ngjarjes së rëndë, ndodheshin në makinë bashkë me të ëmën.
Janë ende të paqarta shkaqet që çuan në vrasjen e saj, ndërkohë që autoritetet kanë nisur punën për identifikimin dhe kapjen e autorit.
Oficerja e Informacionit Publik të Departamentit të Policisë në Shën Petersburg, Sandra Bentil tha se mori një telefonatë rreth orës 5:30 pasdite të shtunën se një person ishte qëlluar në makinë.
Kur oficerët mbërritën, Bentil tha se gjetën 27-vjeçaren të vdekur brenda një makine të qëlluar me armë zjarri, ndërkohë që dy fëmijët e saj, ishin në gjendje të mirë shëndetësore, por të tmerruar.
