Ministri i Jashtëm iranian ka akuzuar Izraelin si të përfshirë në vrasjen e shkencëtarit iranian Mohsen Fakhrizadeh.
Nëpërmjet një postimi në “Twitter”, Mohammad Javad Zarif shkroi se: Terroristët vranë një shkencëtar të shquar iranian sot. Ky akt prej frikacakësh, me indikacione serioze të rolit izraelit, tregon dëshpërimin për luftë të autorëve.
Edhe pse kjo është deklaratë e fortë, Ministri i Jashtëm nuk ka paraqitur asnjë provë.
”Irani i bën thirrje komunitetit ndërkombëtar dhe veçanërisht BE që t’i japin fund standardeve të tyre të dyfishta të turpshme dhe të dënojnë këtë akt të terrorit shtetëror.”- ka thënë ndër të tjera Mohammad Javad Zarif
Ndërkaq, zyra e Kryeministrit izraelit Benjamin Netanyahu ende nuk ka mbajtur një qëndrim për vrasjen e shkencëtarit.
Kujtojmë që shkencëtari iranian Mohsen Fakhrizadeh i njohur si “babai i bombës iraniane” është vrarë ditën e premte në afërsi të Teheranit.
Terrorists murdered an eminent Iranian scientist today. This cowardice—with serious indications of Israeli role—shows desperate warmongering of perpetrators
Iran calls on int’l community—and especially EU—to end their shameful double standards & condemn this act of state terror.
— Javad Zarif (@JZarif) November 27, 2020
