Gjykata e Posaçme e Apelit ka lënë në fuqi vendimin e shkallës së parë për dënimin me 25 vite burg të Bledi Tetës, i akuzuar si i përfshirë në vrasjen e ish-policit Santiago Malko.
Edhe pse mohoi akuzat dhe tha se nuk kishte lidhje me krimin, Teta u zbulua nga tabulatet telefonike që ishin provë e fortë për deklarimin fajtor të tij.
Roli i Tetës në ekzekutimin e Malkos ishte të mbante nën vëzhgim ish-policin me qëllim që të gjendej një moment i përshtatshëm për ta qëlluar.
Për vrasjen e Malkos akuzohen edhe 8 persona të tjerë të shpallur që prej më shumë se një viti në kërkim, më konkretisht Leonard Dukën; Erlis Dukës, Ilir Selmanin, Oltian Logën, Fatmir Hysenin, Dritan Agajn, Aleksandër Maxhakun dhe Xhoni Nicën te cilët janë ndarë në gjykim nga Teta.
Ngjarja e rëndë në 27 gusht 2019 në zonën e Xhamllikut në Tiranë.,Santiago Malko ishte një ish-punonjës policie i larguar nga detyra pasi u arrestua pas një sherri për lojërat e fatit, por edhe një emër i njohur për autoritetet, i dyshuar si i përfshirë në disa ngjarje të rënda kriminale.
